နှလုံးသားအတု ပေါ်ကို
ဖျန်းပက်ခဲ့တဲ့ အက်စစ်ရေတွေဟာ
ရင်ခုန်သံတွေ မြန်စေမယ့်
ရေသောက်မြစ် တစ်ခု ဖြစ်ခဲ့သလား......
ကောင်းကင် အတုပေါ်က
ကြွေကျလာတဲ့ ကြယ်တွေဟာ
အနာဂတ်ရဲ့ ပျော်ရွှင်မှုကို
ဆောင်ကြည်းပေးမယ့်
လမ်းပြကြယ် ဖြစ်ခဲ့သလား....
မျက်ဝန်း အတုပေါ်က
ကြွေဆင်းလာတဲ့ မျက်ရည်တွေဟာ
ဟန်ဆောင်မှုရဲ့ နိဒါန်း
မာယာ တစ်ခု ရဲ့ လက်နက် ဖြစ်ခဲ့သလား...
နေ့ အတု တစ်ခုရဲ့
သာနေတဲ့ လမင်းကြီးဟာ
လိုချင်တာတွေ ဖန်တီးပေးမယ့်
ယုံကြည်မှုရဲ့ အလင်းရောင် ဖြစ်ခဲ့သလား....
ည အတု တစ်ခုရဲ့
ထွန်းလင်းနေတဲ့ နေမင်းကြီးဟာ
သဲ ကန္တာရအလယ်က စိုပြေစေမယ့်
အိုအေစစ်တစ်ခု ဖြစ်ခဲ့သလား...
အချစ်အတု တစ်ခုရဲ့
ရင်ခုန်သံတွေဟာ
နာကျင်မှုတစ်ခု အတွက်
သံပတ် တစ်ခု ဖြစ်ခဲ့သလား....
အမုန်း အတု တစ်ခုရဲ့
နစ်မျောမှုမှာ
ငါ ကျဆုံးခဲ့ တာ
ပြန်လည်ရှင်သန်ဖို့အတွက်
ဘ၀သစ် ဖြစ်ခဲ့သလား....
ငါ ဆိုတဲ့ ငါ အတုဟာ
ဒီဘ၀ကြီးထဲမှာ
ငါ အစစ်ဖြစ်ခဲ့သလား....
မသိတော့ဘူး..... မသိတော့ဘူး..... မသိတော့ဘူး..... ။ ။
ထင်းခုတ်စားကြတယ်
6 years ago
0 ခုလောက် ဝေဖန်ကြည့်ရအောင်:
Post a Comment