ကိုရက်ပ်စ်-မြန်မာ သတင်းများ

ဆောအူးလ် ၊ ဇန်န၀ါရီ-၁
ဆောအူးလ်မြို့တော်တွင် ရုံးခန်းဖွင့်လှစ်ထားသည့် ၊ အကျိုးတော်ဆောင်ရုံးခန်း တစ်ခုသည် ၊ ရွှေအင်းဝရုံးခန်းဆိုင်းဘုတ်တင်ထားကြောင်း ၊ ထို့ပြင် လိပ်စာကတ်များပါ ဖြန့်ဝေနေကြောင်း ၊ အဆိုပါ ဆိုင်းဘုတ်တင်ထားခြင်းနှင့် လိပ်စာကတ်ဝေနေသည့်ကိစ္စမှာ ရွှေအင်းဝ၏ တရားဝင် သဘောတူညီမှုဖြင့် ဆောင်ရွက်ခြင်းမဟုတ်သဖြင့် ၊ ရွှေအင်းဝက တားမြစ်ရာ ၊ ၄င်းဆောင်ရွက်ခြင်းကို ရပ်ဆိုင်းလိုက်ကြောင်း ၊ အဆိုပါကိစ္စကို သက်ဆိုင်ရာ လူကြီးများ မသိဘဲ ဆောင်ရွက်နေခြင်းဖြစ်သည်ဟု ၊ ရုံးဝန်ထမ်းအပေါ် တာဝန်လွှဲချလိုက်ကြောင်း သိရသည် ။
*****
ထို့ပြင် အခြားသတင်းအခြေအမြစ်များထံမှ ၊ သိရှိရသည်မှာ- ယခု ကိုရီးယားအစိုးရက ဆောင်ရွက်နေသည့် ကိုရက်ပ်စ်(Korean Employment Permit System)မှာ ၊ ကိုရီးယားအစိုးရနှင့် ပြည်ပအစိုးရတို့ အချင်းချင်း နားလည်မှုစာချွန်လွှာ(Memorandum of Understanding)ရေးထိုး ဆောင်ရွက်သည့်ကိစ္စဖြစ်ကြောင်း ၊ ခြွင်းချက်အနေဖြင့် အစိုးရကတိုက်ရိုက်မဆောင်ရွက်နိုင်လျင် အစိုးရက တိုက်ရိုက် ကွပ်ကဲကြီးကြပ်သည့် အဖွဲ့အစည်းတစ်ခုခုကို အကျိုးဆောင်ခွင့်ပြုထားကြောင်း ၊ မြန်မာနိုင်ငံအတွက်မူ မြန်မာနိုင်ငံ စစ်မှုထမ်းဟောင်းများအဖွဲ့ (ရွှေအင်းဝ)ကို ဆောင်ရွက်ခွင့်ပြုခဲ့ကြောင်း ၊ ၄င်းရွှေအင်းဝအနေဖြင့် အခြား ကုမ္ပဏီ သို့မဟုတ် အဖွဲ့အစည်းများကို တရားဝင်ထပ်ဆင့် လက်လွဲ ဆောင်ရွက်စေခွင့် မရှိကြောင်း ၊ သို့ဖြစ်ရာ မြန်မာနိုင်ငံတွင် အဆိုပါလုပ်ငန်းကို လက်လွဲလုပ်ကိုင်ရန် ကုမ္ပဏီများ(မှတ်ပုံတင်မထားသော်လည်း သီးသန့်ဆောင်ရွက်လိုသူများ အပါအ၀င်)- ၅ ခုတို့က လျှောက်ထားခဲ့သော်လည်း ၊ ရွှေအင်းဝအနေဖြင့် လက်လွဲဆောင်ရွက်ခွင့်ကို နှုတ်အားဖြင့်သာ ခွင့်ပြုခဲ့ပြီး မည်သူ့ကိုမျှ စာနှင့်ပေနှင့် တရားဝင်လုပ်ခွင့် ပေးမထားကြောင်း သိရသည် ။
*****
ကိုရက်ပ်စ်-၂၀၀၉ ခွဲတမ်း ၊ E-9 ဗီဇာများ ရပ်ဆိုင်းထားသည်ဟုဆိုသော်လည်း ၊ ကိုရီးယား လူ့အရင်းအမြစ် ဖွံ့ဖြိုးရေးဌာန (Korean Human Resources Development Center)နှင့် အလွမ်းသင့်သူများဟု ယူဆရသော ၊ ကိုရီးယားများ (မြန်မာများမဟုတ်)က ၊ မြန်မာအလုပ်သမားများကို တိုက်ရိုက်ခေါ်ယူရန် ဆောင်ရွက်နေကြောင်း ၊ အဆိုပါ အလုပ်သမားများကို ၂၀၀၉ ဇန်န၀ါရီလအတွင်း ခေါ်ယူမည်ဖြစ်ကြောင်း ၊ ပထမအသုတ် ၃၁ ဦး ၊ ဒုတိယအသုတ် ၁၈ ဦး ၊ တတိယသုတ် ၁၅ ဦး ၊ စုစုပေါင်း ၆၄ ဦး ဖြစ်ကြောင်း ၊ ၄င်းတို့ တစ်သုတ်တည်းပေါင်းပြီး မြန်မာပြည်မှ ထွက်ခွါလာဖွယ်ရှိကြောင်း သိရသည် ။

*****
ရည်ညွှန်း-- သတင်း ကို ဟန်းဂုရွာ မှ ရယူဖော်ပြပါသည်။ ဟန်းဂုရွာမှ သူကြီးအားကျေးဇူးအထူးတင်ရှိပါသည်။