တေးသံရှင် စိုင်းထီးဆိုင် ကွယ်လွန်ခြင်း။

ပြည်သူ့ အချစ်တော် အဆိုတော် စိုင်းထီးဆိုင် သည်ယနေ့ နံနက် ၅နာရီ ၄၅ မိနစ် တွင် အစာအိမ် သွေးကြောပေါက်ရောဂါကြောင့် အသက် ၅၈ နှစ်အရွယ်တွငကွယ်လွန်သွားကြောင်း ကြားသိရပါသည်။
(ခွဲရခါနီးမှ လုပ်ရက်နိုင်တယ်..တခါလောက်တောင် နမ်းခွင့်မပေးသူရယ်..
ကိုယ့်ရဲ့ သီချင်းနဲ့ပဲ နှုတ်ဆက်ပါတယ် အချစ်ရယ်..နေရစ်တော့ကွယ် သွားတော့မယ်..)
(အို...အို...နေရာချင်းတော့ မလဲပါဘူး
တောင်ပေါ်သား တယောက်ဖြစ်ရတာ..ဂုဏ်ယူပါတယ်ကွာ..)
(ချယ်ရီတွေ ပြန်ပြီးတော့ပွင့်တာက ကိုယ်မြင်နေရဦးမယ်
ဒီဇင်ဘာရဲ့ နှင်းပွင့်တွေ ကိုယ်တွေ့ရဦးမှာပဲ
ဒါပေမယ့်...သူလေးနဲ့တော့လေ ပြန်တွေ့ဖို့ရာ မရှိဘူး)
စသည်..စသဖြင့် သီချင်းများကိုသီဆိုခဲ့ပါသည်။အစာအိမ်ကနေ သွေးကြောပေါက်သွားတာပါ။ လွန်ခဲ့တဲ့ ၂ဝဝ၇ သြဂုတ်လလောက်တုန်းကလည်း အခုလို အစာအိမ် သွေးကြော ပေါက်သေးတယ်။ အဲဒါနဲ့ အင်ဒိုစကိုပီ (endoscope)တွေနဲ့ သားရေကွင်းနဲ့ သွေးကြောလေးတွေကို ထုံးထားတာပေါ့နော်။ အဲဒီကနေ အသည်းကလည်း နည်းနည်းမကောင်းလို့ အဲလို ဖြစ်တာပေါ့နော်။ ဒါပေမဲ့ ဆရာဝန်ကြီးတွေနဲ့ ကုပြီးတဲ့နောက်ပိုင်းမှာတော့ ကျန်းတော့ ကျန်းမာတာပေါ့နော်။ သီချင်းတွေ ဆိုနေတာပါပဲ။ ခရီးတွေ ဘာတွေလည်း သွားပါတယ်။ အခု နောက်ဆုံး တာချီလိတ်ခရီးသွားပြီးနောက်မှာ အဲလိုဖြစ်တာပဲ။ ဗိုက်ဖောင်းလာတယ်။ ရေဖျင်းပေါ့။ ရေဖျင်းဖြစ်လာတာပေါ့နော်။ အဲဒီကနေ သူက နာလာတော့ ဆေးရုံတက်လိုက်တယ်။ သူပြနေကျ ဆရာဝန်ကြီးနဲ့ ပြတော့ ဆရာဝန်ကြီးက လုပ်ပေးပါတယ်။ ဒါပေမဲ့ ရောဂါက နည်းနည်းရင့်နေတော့လေ မရတော့ဘူးပေါ့နော်။ ဒီကနေ့ မနက် ၅ နာရီ ၄၅ မှာ ဆုံးသွားတာပါ။ ရန်ကုန်ပြည်သူ့ ဆေးရုံကြီး အစာအိမ်နဲ့ အူလမ်းကြောင်းဆိုင်ရာ Ward မှာပါ။တာချီလိတ်ခရီးက ဖေဖော်ဝါရီ ၉ ရက်နေ့မှာပါ။ မသွားခင်ကတည်းက သူက ဗိုက်က နည်းနည်း ဖြစ်တယ်။ နည်းနည်းဖြစ်တာက ဗိုက်က အရမ်းလည်း မဖောင်းသေးဘူး။ နာလည်း သိပ်မနာသေးဘူး။ အစာမကြေ ဖြစ်တာလောက် ရှိခဲ့တယ်။ အဲလိုဖြစ်ပေမယ့်လည်း ပွဲတွေက လက်ခံထားပြီးသား ဆိုတော့လေ ပြန်လာမှပဲ ဆရာကြီးနဲ့ ပြမယ်ဆိုပြီး ဆိုဖြစ်အောင် ဆိုလိုက်တာပေါ့နော်။ LAZY CLUB နဲ့ပါ။ ရဲလေးတို့၊ ချစ်သုဝေတို့၊ L Seng Zi တို့နဲ့ဆိုတာ။သူမဆုံးပါးခင် နောက်ဆုံးဆိုသွားတဲ့ သီချင်းအခွေကဆုန်သင်းပါရ်၊ ရတနာဦးတို့နဲ့ ၃ ယောက်ပေါင်းဆိုထားတဲ့ သီချင်းခွေလေးပါ။ ‘ဝတ်မှုံခရီး’ စီးရီးပါ။ ကိုထီးကတော့ နှစ်ပုဒ်ထဲ ဆိုတာပါ။ ဟု ဇနီးဖြစ်သူ ဒေါ်ခင်သန်းစိုး ကပြောပါသည်။

ရုပ်ကလပ်ကို အခု ရေဝေးသုသာန်မှာ ထားပါတယ်။ ဗုဒ္ဓဟူးနေ့မှာ ဂူသွင်းမှာပါ။
နိုင်ငံကျော်အဆိုတော် စိုင်းထီးဆိုင် အိမ်လိပ်စာမှာ အမှတ် ၃၃၊ ဓမ္မဝိဟာရ၊လမ်း၊ ကျောက်မြောင်း၊ ရန်ကုန်။
ဖြစ်ပါသည်။

(ကိုထီး ခေါ် စိုင်းထီးဆိုင် ကွယ်လွန်ခြင်းအတွက် ကျန်ရစ်သူ မိသားစုနှင့် ထပ်တူ ၀မ်းနည်းမိပါသည်။)<ရွှေမင်းသား>