ဝိဥာဉ်တွေ..

ညှာတာပါ...စာနာပါ..
တစာစာ အော်နေလည်း
ကူညီမှုက ဟို အဝေးမှာ....
နေစရာ အိုးအိမ်တွေ ပိပြားကပ်လို့
မပြိုလဲတဲ့ သစ်ပင်ကြီးရဲ့ သစ်ကိုင်းတွေမှာ
ခြုံ ပုတ်တွေထဲမှာ တိုးဝှေ့လို့ နေနေကြရတယ်..
ဘယ်နေရာ ရောက်မှန်းမသိတဲ့
ပေါ့ပါးတဲ့ ငါ့ ခန္ဓာ လေထုနဲ့ အတူ
ဟိုဟိုဒီဒီ လွှင့်မျောနေခဲ့တယ်...
ဝတ်စရာ ဗလာနတ္တိနဲ့
အမှတ်မရှိတဲ့ ငါ့ စိတ် က
ငါနေခဲ့တဲ့ ဒီအိမ်လေးမှာ ပဲ တ၀ဲလည်လည်..
နေစရာ စားစရာနဲ့
အေးချမ်းတဲ့ ဘုံဗိမ္မာန်တစ်ခု
ငါ တောင့်တနေမိတယ်....
ကိုးကွယ်စရာ ဘုရား ၊ တရား ပဲရှိပေမယ့်
စွဲလန်းမိတဲ့ တဏှာ အစွဲ မချွတ်နိုင်လို့
ဒီ ဘ၀ ရောက်ခဲ့ ရသလားဆိုတာ...
ငါစဉ်းစားလို့ မရဘူး....
အမျှ ပေးဝေမယ့် သူတွေကိုပဲ
ရက်ချိုးရေတွက်လို့ စောင့် ရဦးမယ်..
နာဂစ် ဆိုတဲ့ မုန်တိုင်းကြီးက ရက်စက်လွန်းတယ်.....။ ။